Байғанин 
«Алтай батыр» бөбекжай-балабақшасы мемлекеттік коммуналдық
қазыналық кәсіпорыны
|
Құрылтайшы |
Байғанин аудандық әкімдігі |
|
Меншік нысаны |
мемлекеттік коммуналдық қазыналық кәсіпорыны |
|
Мекен жайы |
Ақтөбе облысы, Байғанин ауданы, Алтай батыр ауылы, Сартоғай көшесі, 32 үй |
|
Құрылған жылы |
2010 жылдың 06 қаңтары |
|
қызметкерлер саны |
20 адам |
|
қызмет түрі |
Бағыты: «Мектепке дейінгі тәрбие мен оқытудың мемлекеттік жалпыға міндетті стандартын» басшылыққа ала отырып, осы стандарт негізінде жасалған және 2023 жылдың 01 қыркүйегінен қолданысқа енгізілген Үлгілік оқу жаспарына сәйкес тәрбиелеу мен оқыту процестері ұйымдастырылады. Балабақша салауатты өмір салтын нығайту, балаларды физикалық дамыту мақсатында денсаулығы мықты, дене бітімі дамыған баланы тәрбиелеу және тәрбиеленушілердің бойында өз денсаулығына саналы түрде қарауды қалыптастыру жұмыстары жүргізіледі. Коммуникативтік дағдыларды дамыту мақсатында ауызекі сөйлеуді қалыптастыру, өмірдегі түрлі жағдайлардағы қарым-қатынас дағдыларын игеру, баланың ойын, тілін дамыту жұмыстары ойын арқылы жүргізіледі. Танымдық және зияткерлік дағдыларды дамыту мақсатында жеке тұлғасын қоршаған әлеммен өзара іс-қимыл жасаудағы қажетті танымдық іс-әрекеттің қарапайым дағдыларын меңгерту, өзіне өзі қызмет жасау дағдылары үйретіледі. Әлеуметтік-эмоционалды дағдыларды қалыптастыру мақсатында мәдени-әлеуметтік нормаларға, отбасы, қоғам және мемлекеттің дәстүрлеріне баулу, өзін қоршаған ортаны таныстыру және құрметтеуге тәрбиелеу жұмыстары жүргізіледі. Қызмет тақырыбы: Баланың қажеттілігін қанағаттандыру, қабілетін анықтау және оның жеке тұлға ретінде қалыптасып, дамуына қолайлы жағдай туғызу. Ұжымның сапалық және сандық сипатын көрсету. Ұжымның барлық бағыттар бойынша кәсіби біліктілігін арттыру. Балалардың тілін, ойын, есте сақтау және адамгершілік қабілеттерін, шығармашылық қиялдарын, мәдени- гигиеналық дағдыларын және дене бұлшық еттерін дамыту, ұлттық құндылықтарды ұлықтап, салт-дәстүрімізді дәріптеу. Дені сау, адамгершілі мол, ұлтжанды, тәрбиелі, білімді ұрпақ тәрбиелеу. |
|
Бар құрылымы |
«Алтай батыр» бөбекжай-балабақшасы 2009 жылы салынған. Типтік жобада топ бөлмелері ойын және жатын бөлмелерімен қамтылған. Ғимаратта гимнастикалық би бөлмесі, медбике бөлмесі изоляторымен қамтылған. Қазіргі таңда Ғимаратта бейнебақылау орнатылған. Оқу-тәрбие бөлімі типтік бағдарламаға сәйкес жұмыс жасайды. |
|
Ағымдағы жағдайы |
«Алтай батыр» бөбекжай-балабақшасының ағымдағы жағдайы қанағаттанарлық. |
«Алтай батыр» бөбекжай-балабақшасы Ақтөбе облысы, Байғанин ауданы, Алтай батыр ауылында орналасқан. Жалпы педагог қызметкерлер саны 6. Олардың үшеуі педагог-сарапшы, үшеуі педагог-модератор. Педагог қызметкерлер жыл сайын біліктілікті арттыру курстарынан өтіп отырады. Жалпы тәрбиеленушілер саны 30 баланы құрайды. Баланың жас ерекшелігіне қарай екі топ жасақталған: «Айналайын», «Еркетай».
«Алтай батыр» бөбекжай-балабақшасы педагог қызметкерлері мен тәрбиеленушілері аудандық шараларға, облыстық мектепке дейінгі педагогтер арналған педагогикалық олимпиадаларда жүлделі І және ІІ дәрежелі дипломдармен марапатталып, республикалық байқауларға қатысып, жүлделі орындарға ие болып, «Үздік тәрбиеші» төсбелгісімен марапатталды. Сонымен қатар облыстық, республикалық басылымдарға мақалалар, ұйымдастырылған іс-әрекеттерін жариялап, Алғыс хаттармен марапатталды.
«Алтай батыр» бөбекжай-балабақшасының жыл сайын өткізетін шаралары: «Шебер қолдар» қолөнер көрмесі, «Мен және менің отбасым», «Көңілді жаз», «Алтын күз», «Қыраулы қыс», «Көктем келді алақай» сурет көрмелері, «Ертегілер елінде» сахналық қойылымдары, «Ұлттық ойындар», «Спорт – біздің досымыз» спорттық жарыстары, түрлі тақырыптарда конкурстар өткізіліп тұрады. «Біртұтас тәрбие бағдарламасы» аясында «Әжелер мектебі», «Әкелер мектебі», «Аналар мектебі» өз жоспарлары бойынша түрлі тақырыптарда ойын-сауық, байқаулар мен жарыстар, тренингтер ұйымдастырады.
